اذاعة الطلبة المفرومييين...، الوووووووووووووو

السلام عليكم و رحمة الله وبركاته


تحياتي الخالصة لكل طالب مقهور ،مطحون ومفروم داخل او خارج المنتدى


معانا بث حي و مباشر لأخبار الطلبة و الامتحانات
من غير ماطول على حضراتكوم، مع اول مراسلة




المراسل:ماهي إخبار الامتحان؟

الطالب: الشهادة لله الامتحان اكتر من ممتاز والمسائل كلها من دماغ الدكتور و مفيش ولاوحدة منهم موجودة في المنهج

المراسل: آه الإبداع و الابتكار اللي بنقول عليه .تسلم دماغ الدكتور

أنا شايف واحدة طالعة بتعيط؟ و واحدة أغمى عليها

الطالب: آه دموع الفرح والتانية مصدقتش إن الامتحان جا سهل فأغمى عليها
المراسل شوف طالب تاني فرحان و يرقص

المراسل: تعالى يابنى يا بتاع كل مرة ها يا حبيبي إيه أخبار الامتحان؟

الطالب:هاهاهاها...امتحان قال..هاهاها ده امتحان يعرف يحلم عم اينشتاين بصباع رجله الصغنن أقولك حاجة بس بيني و بينك المعيد يا عيني كان واقف جنبي لايعرف يحل كلمة مسكين فضل يشد في شعره


و سألنا طالب هنا عن الامتحان

كان رده: أنا لااقول غير حاجه وحده فقط


كان أولى بيا النوم لكني فقت

و هذا يدل على تفاؤل الطلاب

كما نحب أن نوضح إن الامتحان جاء مختصر جداً

وقصير لدرجة ان الطلبة طلعت بدرى


بحب اطمن كل الناس الامتحان جه زى الفل و في مستوى المعيد المتوسط و الصراحة اللجنة كان فيها كل وسائل الراحة

و اللي كان بيحصل

أي طالب يحاول يستعبط و يقول عايز يروح الحمام يجب أن يمر بالآتي

1- يطلع كل اللي في هدومه


2- يتفتش 5000 مره

3- يمر على الكلب البوليسي

4- لو كان لسه عايش يسمح له بدخول الحمام


كلمه أخيره من الطلاب

إهداء :

أنا رايح فين ،، أنا راجع تاني

أنا مش هنساك ،، و لا قلت انساني

و كلمة أخيره للامتحانات

أعمل ايه،، فاللي أنا حليته

و اللي انا سبته فاضي ،، مش هبكي عليه

فمشيت و نسيته ,, و بالمقبول أنا راضي بس كفاية






واخيرا و طبعا كما عودتكم اذاعتنا نفتح النقاش

و ناخد اول اتصال الوووووووووووووووووو