يا دار

يا دار

يا دار ما ودي عيوني تراعيك

من عقب حي عنك يا دار رحال

يا دار انا ادور حبيب سكن فيك

من عقب فقدانه علي الدهر مال

يا دار لو هليت دمعن يحاكيك

ينشدك وين اللي غدا عقب الحال

ما تجاوبيني والرجا خايب فيك


اقول ما تنفع كثيرات الاقوال

يا دار انا ابجي غالي لي وغاليك

من دونهم يا دار حال اشهب الاّل


لو هلت العبرات يا الغالي تبكيك


ما عندها الا الذكريات والاطلال

ولو صحت باعلي الصوت يا خل اناديك

يرجع صدي صوتي بجرحي والاهوال


يا ويل قلب حب شوفك ويغليك


من يوم غبت وعنه الافراح تنزال

يفزله من سمع ذكر طاريك


ما عزنه عنك كثيرات الازوال


يا راحل الله عقب فرقاك يدينك


وتشوفك عيون عليها السهر طال